Radio Komunidade Maubisse Mau-Loko, iniciu hari iha Komunidade ida ho naran Jose Maria Mendonça nia uman iha Raebecoa, Besik Hospital Antiga Maubisse, Antes de hari ka estabelece Radio Komunidade Maubisse Mau-Loko, ba dala uluk ekipa husi Organizasaun International Center For Jornalist halao uluk assessment, depois de halao tiha assessment, Responsabel Organizasaun International Center For Jornalist Liu Husi Contry Director Sr. Cusc Rice kria Radio Komunidade Maubisse Mau-Loko Estabelese husi ICFJ (International Center For Jornalist) no hetan financeiro husi USAID, iha tinan 2009, depois de hari no estabelese tiha Radio Komunidade Maubisse durante tinan ida, no Radio Komunidade Maubisse, hetan inagurasaun iha dia 04 de Junho de 2010.
Hahu husi estabelesimentu to’o finaliza, orsamentu no material sira hotu mai husi ICFJ (International Center For Jornalis). No ajudus sira hotu ne’ebe ajuda husi ICFJ (International For Jornalist), so bele suporta wainhira missaun ICFJ sei hamrik iha Timor-Leste ho nia sede central iha capital dili, ho durasaun tinan ida hahu husi dia 04 de Junho 2010 to’o dia 30 de Setembro 2011. Depois de missaun ICFJ International Center For Jornalis hakotu no remata iha Timor-Leste, esistensia Radio Komunidade Maubisse, hamrik mesak no radio komunidade Maubisse depende ba komunidade Maubisse, tamba komunidade mak sai nain ba Radio, liu husi reprezentante komunidade lubuk ida ne’ebe, komunidade rasik fo fiar hodi lidera Radio Maubisse, komportu husi Presidente Konselho radio ida, vice presidente ida ho membru nain 7 (hitu). No membru nain hitu ne’e numeia husi forum bo’ot ne’ebe, antes ICFJ (International Center For Jornalis) estabelece radio Maubisse, Agensia ne’e hili no forma tiha ona. Depoisde hili tiha Konselho Radio Maubisse Mau-Loko, hafoin mak Konselho sira tur hamutuk hodi numeia fali jestor ka director ida hodi jere Radio Komunidade Maubisse ho nia membrus nain 6 (ne’en) inklui Jestor / Director Radio.
Naran Organisaun : Radio Comunidade Maubisse Mau-Loko, Hahu hamri’ik : 04 Junhu 2010, Diresaun : Dalan Mau-Curro besik Administrasaun Posto Administrativu Maubisse ho Hospital Referral Maubisse. Responsavel: Joaquim de Fatima Coutinho, Pozisaun: Manager Radio Comunidade Maubisse Mau-Loko, Presidente Konselho Radio: Manuel Sequeira Araujo.