Buka Hatene Kona-ba Maubisse
Maubisse sai hanesan posto administrative ida iha Municipiu Ainaro nia mahan, Relasiona ho ida ne’e atu deskreve konaba kondisaun geografia, kondisaun demografia, nomos existensia, Papel no Funsaun Radio Komunidade Maubisse Mau-Loko hodi rekolha informasaun iha Posto Administrativu de Maubisse Municipiu Ainaro.
Kondisaun Jeográfiku
Posto Administrativu de Maubisse, komportu husi suco 9 (sia) aldeia 62 (ne’en nulu resin rua). Posto Administrativu Maubisse ho nia luan área 260.97 km², ho ninia área ne’ebé baliza ho posto administrativo no municipiu sira ho mos kobertura Radio Komunidade Maubisse Mau-Loko, kobre ba mak kompostu husi suco 9 (sia) ho nia aldeias 62 (ne’en nulu resin rua). Tamba Radio Komunidade Maubisse Mau-Loko, ninia area la iha fornteira ho individu ka grupo, maibe Radio Komunidade Maubisse Mau-Loko nia fronteria bazeia ba frekuensia radio nian, ne’ebe kobre ba mak hanesan mensiona iha leten e mos Radio Komunidade Maubisse Mau-Loko nia area kobertura, kobre ba to’o iha sucos no aldeias sira hanesan mos mensiona iha leten. Tamba ne’e maka hakerek nain deskreve fronteira ka baliza tuir area postu administrativu e laos tuir area radio Komunidade nian, tamba Radio Komunidade kobre ba ema hotu, katak radio komunidade, mai husi komunidade no fila hikas ba komunidade liu husi transmite informasaun. Tamba ne’e hakerek nain dekreve area baliza Posto Administrativo Maubisse ho nia baliza sira hanesan tuir mai ne’e:
-
Husi parte Oeste baliza ho Posto Administrativu Hatobuilico ho Posto Administrativu Letefoho Ermera.
-
Husi parte Norte baliza ho Municipiu Aileu.
-
Husi parte Leste baliza ho
-
Posto Administrativu Turiscai ho Posto Administrativu Lequidoe Aileu.Husi parte Sul baliza ho Municipiu Same ho Posto Administrativu Hatobuilico.
Kondisaun Klimátika
Bazeia ba kondisaun no klima iha Posto Administrativu Maubisse malirin e mos konhecidu hanesan fatin turismu no fatin agrikultura, Posto Administrative Maubisse nia tempu ou iklima malirin makas hahú fulan Agostu, Outubro no Novembru no iha tempu udan hahú fali Desembru to’o fulan Jullu.